Consistent top-rater ang "Wansapanataym" special ni Toni Gonzaga. Ang unang dalawang episodes niya ay kapwa pasok sa top 3 ng overall top programs sa bansa. Batay sa pinakahuling datos ng Kantar Media, nakakuha ng 22.3% na national TV rating ang "Wansapanataym presents Hannah Panahon" samantalang 13.2% lamang ang natamo ng katapat nitong "Spooky Nights Presents Premonisyon" ng GMA.
At ngayong Sabado (Marso 24), panibagong kuwentong kapupulutan ng aral ang tampok sa "Wansapanataym." Sa ‘Amanda’s Da Man’ episode, bibigyang buhay ni Toni ang karakter ni Amanda, isang tunay na lalaking nagngangalang Adam (Rayver Cruz) na pinarusahang maging babae dahil sa kaniyang pagiging babaero. Bilang si Amanda, matututunan na kaya ni Adam na pahalagahan at respetuhin ang mga kababaihan? Makakasama din ni Toni at Rayver sa episode sina Jewel Mische, Marina Benipayo, Veyda Innoval, Charles Christianson, Fred Payawan, Helga Krapf, at Auriette Divina. Ito ay sa ilalim ng panulat ni Noreen Capili at direksyon ni Malu Sevilla.
Huwag palampasin ang ikatlong karakter ni Toni sa month-long special ng “Wansapanataym” ngayong Sabado, pagkatapos ng “Kapamilya: Deal or No Deal” sa ABS-CBN. Para sa karagdagang updates, mag-log on sa www.abs-cbn.com, sundan ang @abscbndotcom sa Twitter o i-‘like’ http://www.facebook.com/Wansapanataym.tv.
Share
0 comments:
Post a Comment