Matapos ang ilang taong hindi paglabas sa iisang proyekto sa pelikula at telebisyon, ang pagbabalik-tambalan nina Richard Gomez at Dawn Zulueta sa top-rating Primetime Bida teleseryeng “Walang Hanggan” ay patunay sa mainit pa ring ang pagtangkilik ng sambayanan at pananabik ng fans sa kanilang love team.
"Pareho kaming nagugulat ni Goma na kinikilig pa rin sila sa amin,” ani Dawn. “Pero nakakatuwa na ganun pa rin ang epekto ng tandem namin sa mga manonood."
Ayon kay Dawn, bagama’t mahabang taon silang hindi nagkausap ni Richard at may kaniya-kaniya na silang pamilya, muling nanumbalik ang pagkakaibigan nila ni Richard dahil sa teleserye.
Tulad ni Richard at Dawn, muli na ring nagkakalapit ang kanilang mga karakter sa “Walang Hanggan” na sina Marco at Emily, ngayong nalalapit na ang pagbubunyag ng tunay na katauhan ni Daniel (Coco Martin). Ano ang magiging epekto ng rebelasyon sa pagkatao ni Daniel sa mga Montenegro? Magbabalik kaya ang pag-iibigan nila Marco at Emily kapag malaman nilang buhay ang kanilang anak?
Huwag palampasin ang gabi-gabing pasabog sa “Walang Hanggan,” pagkatapos ng “Princess and I” sa Primetime Bida ng ABS-CBN. Para sa karagdagang impormasyon, mag-log on sa www.walanghanggan.abs-cbn.com, i-like ang http://facebook.com/abs. walanghanggan, o sundan ang @walanghanggan_ sa Twitter.
Share
0 comments:
Post a Comment