Muling magkakasama sa iisang stage ang “ASAP 2012” co-stars na sina Sarah Geronimo at Enchong Dee ngayong Linggo (Agosto 12) sa “Sarah G. Live!” Si Enchong, na isa sa mga bida ng pinakaabangang ultimate barkada movie of the year na “The Reunion,” ang special guest co-host ng Popstar sa kanyang solo musical variety show.
Bukod kay Enchong, abangan din sa “SGL” ang collaboration ni Sarah at ng OPM legend na si Freddie Aguilar kasama ang bandang Watawat; at ang makapigil-hiningang smash up dance number ng “Pinoy Big Brother Teen Edition 4” love teams na sina Myrtle at Yves, at Ryan at Karen. Samantala, tiyak na hahagikgik ang TV viewers sa pagbisita ng mga komedyanteng sina K Brosas, Cacai Bautista, Mahal, at Ate Gay.
Kasama pa rin ni Sarah ngayong Linggo ang resident dance royalty na si Gab Valenciano, co-host na si Luis Manzano, musical director Louie Ocampo, choreographer Georcelle Dapat-Sy, G-Force, at director Erick Salud.
Huwag palampasin ang trending at top-rating Sunday primetime show ng ABS-CBN, "Sarah G. Live," 8:15pm, pagkatapos ng "Rated K." Para sa karagdagang updates, mag-log on sawww.abs-cbn.com o sundan ang @SGLiveOFFICIAL sa Twitter at SarahGLiveOFFICIAL sa Facebook.
Share
0 comments:
Post a Comment